علاش United Marassil Association طلقات هاد الحملة؟

لأن النداء وصل… وبقوة.

توصلات United Marassil Association بالعديد من الرسائل من الناس اللي كيعرفو دوار أيت إينزي، رسائل كلها ألم، كلها طلب مساعدة، كلها صوت ديال 150 عائلة كتواجه البرد، العزلة، ونقص أبسط شروط العيش.

قدّام هاد النداءات ماقدرناش نبقاو نشوفو ونسكتو.

وهاد الشي اللي خلّانا نطلقو هاد الحملة، بشراكة مع نخبة من صنّاع المحتوى اللي لبّاو الدعوة من أول لحظة، باش نكونو يد وحدة ونوصلو الدفء والأمل لهاد الدوار المنسي.

الحملة كتهدف نوصلو قفف شتوية بالملابس للأطفال والكبار، أدوات مدرسية باش مايبقا حتى طفل محروم، وألعاب بسيطة ولكن عندها القدرة تصنع ابتسامة فوجه صغير.

وفوق هادشي، خدامين باش نحققو أحلام كبيرة: حفر بئر يضمن الماء للدوار، وإحداث مرفق اجتماعي جديد يكون فضاء يجمع الساكنة، ويدعم الأنشطة الخيرية والتعليمية، ويخدم المجتمع كامل.

هاد المبادرة ماشي مجرد حملة…

هاد المبادرة واجب إنساني، ورسالة رحمة، ومحاولة بسيطة باش نقولو لهاد العائلات: راكوم ماشي بحدكم.

 

 

 

MARASSIL